O SON DO LA-MAS

 

 

 

LITTLE NENO DESCOBRE... OS BEATLES.

O venres día 8 de outubro tivemos a gran sorte de disfrutar do espectáculo Little neno. Grazas a Fran Villasenín, a Reixa Producións e o Concello de Santiago, o alumnado de 1º A, B e C, asistiron a unha sesión chea de aventuras rodeados da música da gran banda de rock británica, os Beatles.

Despois de soñar, descubrir, escoitar e bailar  con Little neno e o oso Renato...foron os alumnos de primeiro de primaria os que se converteron en protagonistas da radio entrevistando a Neves Rodríguez, presentadora de Tv, comunicadora e actriz moi importante no Panorama Audiovisual Galego e ao músico Alfonso Espiño, músico , doctor en Historia da Arte e investigador.

Desfrutade moito desta entrevista! Queda inaugurado o noso programa musical no curso 2021/2022!

 

O CONTO DOS PLANETAS.

  A profe Beatriz déixanos este fantástico e laborioso podcast do alumnado de 4º B de Educación Infantil. Coa colaboración de Candela e Lois de 5º C de Primaria, os nenos e nenas de 3 anos B nos contan-cantan o conto Los Planetas, escrito por Margarita del Mazo e ilustrado por Cecilia Moreno de Ediciones Jaguar. Moitas grazas a todos/as polo voso traballo e non perdades as "tomas falsas".

 

Venres 6 de marzo de 2020

Compañeiras e compañeiros, inauguramos o noso programa musical!😊
 

Aquí vos deixamos a entrevista á arpista bretoa Bleuenn Le Friec que ven de facer tres sesións didácticas coa arpa celta co alumnado de 1º e 2º de primaria para conmemorar o Día Internacional da Muller. Despois de traballar o instrumento e o seu cancioneiro cos máis cativos fixémoslle unha entrevista sobre a súa traxectoria.

 

 

Moitos parabéns aos periodistas Iago, Daniela, Noa, Zaira e Irene polo marabilloso traballo realizado na aula de Valores Sociais e Cívicos de 5º A.